बेटाक बाप के मोटगर दहेज़ ल

नित्य बनैत संघाती देखलहूँ

बेटीक बाप के घाम चुआबति

करैत बज्र सन छाती देखलहूँ 

मांस आ मदिरा में डूबल रहि 

कचरैत खूब बरियाती देखलहूँ

पीने आर पियौने जमि क सभके 

व्यंजन परसति सरियाती देखलहूँ

नवकनियाँ के पाबय के बुझि क' 

दूल्हा के फुदकति कांती  देखलहूँ

मधुर स्वप्न स उबडूब मोने 

गाबैत दुल्हिन के पराती देखलहूँ

जाहि मिथिला में वर राम सन

आर सीया सन अहिबाती देखलहूँ

ओहि मिथिला केर पावन माटि पर 

बहैत शराबक परिपाटी  देखलहूँ

---राजीव रंजन मिश्र 

बेलूर,कोलकाता