जाऊ अहाँ त जैबे करब

प्राण हमर त लैबे करब 

अहाँ राखी नै राखी मोन हमरा

बेर-बेर हकारि हम बजैबे करब

अहाँ छेड़लहूँ जे मधुर तान

ओ गीत त हम गैबे करब

अहाँ शोर जे पारब कहियो

हम भागल परायल ऐबे करब

संगी साथी में त ई होइते छैक

अहाँ त ठानि लेलंहू जे हरैबे करब

हारियो क मुदा हम जीतल रहब 

नाम सुनि हमर मुंह अहाँ बैबे करब

चाहब जे जितीयो क अहाँ खुश रही

अहाँ त कोनो रुपे सतैबे करब

दैव देर करय छथि अन्हेर नै कहियो

हमरा त जे कपाड़ में से पैबे करब 

राजीव रंजन मिश्र

०३.०६.२०१२