गजल ३५ 

सोचसँ जीतल ई दुनियाँ 

सोचक हारल ई दुनियाँ

सोच उठौलक आ पटकल 

सोच सवारल ई दुनियाँ

सोचिकँ पैलक सभ सभटा 

सोचक मारल ई दुनियाँ 

सोच बनौलक निक बेजा 

सोच निखारल ई दुनियाँ 

सोचल गौतम तैँ जानू 

अंककँ जानल  दुनियाँ 

सोचक बाबैत राम छला 

कृष्णकँ चिन्हल ई दुनियाँ 

सोचकँ अप्पन शान चढा 

लोक पछारल ई दुनियाँ  

सभ कहथि सोचू जुनि यौ

सोच बिसारल ई दुनियाँ 

सोच छोड़िकँ सभ तरहे 

हाथ पसारल ई दुनियाँ

सोचल बेसी आ करनी 

किछु ने मानल ई दुनियाँ

"राजीव"क बुझने तौँ बस 

सोचक डाहल ई दुनियाँ 

२११ २२ २२२ 

@राजीव रंजन मिश्र