गजल-२३१ 

निरसल मिथिला कानि रहल अछि 

मैथिल नै धरि मानि रहल अछि 

लागल सभ क्यो नीक अपन लै 

अपनेमे ई ठानि रहल अछि 

तिरपित मैथिल चारि टकामे 

कमजोरी सभ जानि रहल अछि 

अपना सतुआ नोन कँ महि महि 

अनका खातिर सानि रहल अछि 

मोदी लालू आर नीतीशक* 

सीटक गनती गानि रहल अछि

के जानल के चूसि रहल आ 

के घरमे की आनि रहल अछि  

जीतल क्यौ राजीव अनेरे 

बुड़िबक छाती तानि रहल अछि 

२२२२ २१ १२२

@ राजीव रंजन मिश्र 

*पाँचम शेरकेँ दोसर पाँतिमे एक टा दीर्घकेँ लघु मानबाक छूट लेल गेल अछि