की जनमदिन की मरन दिन
दिन सभटा होय एक समान
कैल धैल रहत जेहन अपन
भेटत तेहने मान आर दान
किछु काज करी हम जीवनमे
सुच्चा काज होइ जकर नाम
मोन सन्तोषे भरल रहैक आ
बनल रहैक सब ठाम सुनाम
जन्मदिनत' घटा दैत छैक आरो
जीनगीक अवधिसँ एक टा साल
हम बुरिबक बनिकँ खुशी मनाबी
कलचक्र केर हम बुझल ने ताल
दिन वैह नीक जे लागल किनकोमे
ने हँसी ठट्ठामे आ ने खाय पीबयमें
भगवान कहब हम सदति यैह तोरा
रखिह' विवेक बचल बस जीबयमें 

@ राजीव रंजन मिश्र