Saturday, November 2, 2013

गजल-१३५ 

समस्त मित्र बंधुकेँ दीया बातिक हार्दिक मंगल कामनाक संग प्रेषित अछि हमर ई गजल:

मंगल दीप जराकँ राखब
सदिखन माथ लिबाकँ राखब 

साथे साथ रहत ग' दुख सुख
हल्लुक मोन बनाकँ राखब 

निसि वासर त' मनत दिवाली
जा धरि बानि सजाकँ राखब 

ज्ञानक दीप इजोर देखा
घुप अन्हार मिटाकँ राखब


करनी ऊँच वचनसँ मधुगर
गामक गाम जुराकँ राखब 

बड अनमोल मनुखकँ काया
अनुदिन लाज बचाकँ राखब


राजीवक त' रहत विनय जे
लचरल गेह उठाकँ राखब

2221 12122
@ राजीव रंजन मिश्र 

No comments:

Post a Comment