परमात्मा जौं देने छथि लिखबाक कला 

त अपन लेखनीक ताकत के व्यर्थ नै करी

लेखक आ कविक होइत छैक किछु जिम्मेदारी

ई सोचि किछु लीखी जे शब्द के द्विअर्थ नै करी

जानैत बुझैत सबटा नीक आ बेजा 

नकारात्मक सोच आ चीज़क समर्थ नै करी

खराबक बखान क$ सेहो करेज तानि क$ 

लोक के बुरियाबय के अनर्थ नै करी

एक त ओनाहितो कमी नै थीक कुचालि केर

कुरीति के बढ़ाबय के शर्त नै धरी

लेखनीक ताकत के इतिहास थीक गवाह

हे प्रभु! जौं लीखी त लिखबाक अर्थ नै हरी

----राजीव रंजन मिश्र 

  ३१.०५.२०१२